Мини-чат
Друзья сайта
Наш опрос
Статистика
Онлайн всего: 8
Гостей: 8
Пользователей: 0
Главная » 2014 Июнь 16 » Հետաքրքիրը Հեմինգուեյի մասին
11:26 AM Հետաքրքիրը Հեմինգուեյի մասին | |
 Ողջ համաշխարհային գրականության մեջ ինձ համար Հեմինգուեյի ստեղծագործությունները մի ուրիշ աշխարհ են` անկրկնելի ու բազմաբովանդակ: Մեկ տողում կարող է թաքնված լինել հազարավոր այլ գրքերի իմաստ: Սակայն այդքան դրական գծերի մեջ կա բացասականը. այսպես ասած «ինքնասպանության շառավիղը»...
Հեմինգուեյի թողած ծանր ժառանգությունը կործանարար ազդեցություն ունեցավ նրա հետագա սերունդների վրա: Նա ինքնասպան եղավ իր սիրած որսորդական հրացանով, սակայն ինչու՝ անհայտ է:
Ավագ որդին՝ Գրեգորին, դարձավ տրանսվեստիտ: Ուներ հոգեկան խանգարումներ, ձերբակալվեց հասարակական վայրերից մեկում և մահացավ բանտում: Կրտսեր որդին `Պատրիկը, արդեն 18 տարեկան հասակում հիվանդացավ շիզոֆրենիայով: Գրողի եղբոր՝ Լեսթերի համար եղբայրը ամեն ինչ էր, նա ամեն ինչում փորձում էր նմանվել եղբորը, և այդպես շարունակեց մինչև վերջ՝ ինքնասպան լինելով հրազենից արձակած փամփուշտից:
Գրողի թոռը՝ Մարգոն, նույնպես ինքնասպանություն գործեց իր հանրահայտ պապի ինքնասպանությունից ուղիղ 35 տարի անց, հենց նույն օրը:
Ինքնասպանությունների շարքի առաջին օղակը Էռնեստ Հեմինգուեյը չէր, այլ նրա մայրական կողմի պապը, որը ևս ինքնասպան էր եղել:
Ինքնասպան էր եղել նաև գրողի հայրը:
 Հատկանշական է, բայց Հեմինգուեյի գրվածքները անվանում են կյանքի դասագրքեր տղամարդկանց համար: Նրա գրեթե բոլոր ստեղծագործությունների կարգախոսն է. «Պայքարի՛ր և հասի՛ր», որը իր վառ արտացոլումն է գտել նրա «Ծերունին ու ծովը» վիպակում: Որքան էլ զարմանալի թվա, սակայն նրա ստեղծագործություններին բնորոշ են բուռն գործողություններից հետո անսպասելի հիասթախությունը:
Սակայն ինչ էլ լինի` Հեմինգուեյը ինձ համար եղել է ու կմնա գրականության գագաթնակետին:
Ամեն ինչ էլ ոչինչ է.
Ամեն ինչ էլ ոչինչ է. մարդն էլ է ոչինչ: Միայն այդպես, և միայն լույսն է, որի կարիքը զգում են և, իհարկե, մաքրությունն ու կարգուկանոնը: Ոմանք ապրում են և երբեք դա չեն զգում, իսկ ինքը գիտի, որ այդ բոլորը ոչինչ է ու միայն ոչինչ, ոչինչ ու միայն ոչինչ: Մենք ոչինչ ենք ոչնչության մեջ, ոչինչ լինի քո անունը, քո թագավորությունը, ոչինչ թող լինի ոչինչը ոչնչության մեջ, քանզի այն արդեն ոչնչության մեջ է: Տուր մեզ այդ ոչինչը, մեր օրհասական ոչինչը և ոչնչացրու մեզ մեր ոչինչը, քանզի մենք ոչնչացնում ենք մեր ոչինչը, բայց ոչնչացնելով մեզ` ոչ թե ոչինչ դարձրու, այլ ազատիր մեզ ոչնչից: Կեցցե ոչինչը` ոչնչով լի. ոչինչը մեզ հետ է:
 Մի անգամ Հեմինգուեյը գրազ եկավ, որ վեց բառանոց պատմվածք կհորինի, որը նախկինում բոլոր գրվածներից կլինի ամենահուզիչը։ Նա հաղթեց գրազը։«Վաճառվում են մանկական կոշիկներ՝ երբեք չկրած»։
| |
|
| |
| Всего комментариев: 0 | |